Հարկավոր է գրացվել Documan™ կայքում: Այնուհետև ընտրում եք անհրաժեշտ ծառայությունը, լրացնում անհրաժեշտ տվյալները և կցում պահանջվող փաստաթղթերը։ Եթե ունեք հարցեր կամ օգնության կարիք, Դուք կարող եք կապ հաստատել մեզ հետ՝ օնլայն չատի կամ հեռախոսազանգի միջոցով: Եթե փաստաթղթերը հայերեն թարգմանության կարիք ունեն՝ մենք կհոգանք դրանց թարգմանության մասին։

Բոլոր փաստաթղթերը կցելուց հետո անցնում եք վճարման փուլին: Մենք առաջարկում ենք վճարման հարմար տարբերակներ՝ Visa, ARCA, MIR, MasterCard վճարային համակարգերի միջոցով, կամ փոխանցում Documan™ ընթացիկ հաշվարկային հաշվեհամարին։ Ընտրում եք վճարման եղանակը և ավարտում վճարման գործընթացը: Ձեր անձնական հաշվի «կառավարման հարթակ» բաժնում Դուք կկարողանաք հետևել ծանուցումներին և պատվերի մշակման ընթացքին։

Հարթակում գրանցվելու համար անհրաժեշտ է էլեկտրոնային փոստի հասցե։ Կախված Ձեր ընտրած ծառայություններից, Ձեզ անհրաժեշտ կլինեն փաստաթղթերի տարբեր փաթեթներ: Օրինակ, եթե ցանկանում եք բիզնեսի հիմքով կացության քարտ ստանալ, ապա, բացի փաստաթղթերի հիմնական ցանկից, ինչպիսիք են անձնագրի նոտարական թարգմանությունը, առողջական վիճակի վերաբերյալ տեղեկանքը, Ձեզ անհրաժեշտ կլինեն նաև փաստաթղթեր, որոնք հաստատում են գործող բիզնեսի առկայությունը։ Կացության կարգավիճակ ստանալու նպատակով անհրաժեշտ փաստաթղթերը կարելի է գտնել մեր կայքում՝ յուրաքանչյուր ծառայության համապատասխան ՀՏՀ բաժնում։

Ընկերության բացման կարգի և դրա համար անհրաժեշտ փաստաթղթերի մասին ավելի մանրամասն սահմանված է «Իրավաբանական անձանց պետական գրանցման, իրավաբանական անձանց առանձնացված ստորաբաժանումների, հիմնարկների և անհատ ձեռնարկատերերի պետական հաշվառման մասին» ՀՀ օրենքով

Ձեր կառավարման հարթակում կգտնեք տեղեկություններ Ձեր պատվերի ընթացիկ կարգավիճակի մասին: Այստեղ Դուք կարող եք խմբագրել ձեր պատվերը, չեղարկել ձեր պատվերը: Բացի այդ, ծանուցումները կուղարկվեն ձեր էլ.փոստին, և ցանկության դեպքում կարող եք ցանկացած պահի կապվել մեզ հետ՝ մանրամասներ ճշտելու նպատակով:

Փաստաթղթերի վերջնական ստորագրման նպատակով անհրաժեշտ կլինի այցելել մեր գրասենյակ կամ պատվիրել առաքման ծառայություն, որը գործում է Երևան քաղաքի տարածքում։

Մենք կկազմակերպենք բոլոր պահանջվող պետական տուրքերի և ծառայության հետ կապված այլ ծախսերի վճարումը: Մի քանի տարբեր վճարման փոխարեն մենք առաջարկում ենք պատվերը գրանցելու ընթացքում կատարել ընդամենը մեկ վճարում՝ Ձեզ հարմար տարբերակով: Սա հեշտացնում է ողջ գործընթացը և թույլ է տալիս կենտրոնանալ գորըթնացի այլ կարևոր հանգամանքների շուրջ:

Մեր հարթակում փոխանցվող և պահվող բոլոր տվյալները պաշտպանված են կոդավորման միջոցով: Սա ապահովում է գաղտնիությունը՝ նույնիսկ չարտոնված մուտքի դեպքում: Մենք օգտագործում ենք նույնականացման և թույլտվության բազմամակարդակ համակարգ՝ ապահովելով բացառապես լիազորված անձանց մուտքը։ Մենք անվտանգության կանոնավոր աուդիտներ ենք անցկացնում՝ պոտենցիալ խոցելի կետերը հայտնաբերելու և դրանք վերացնելու նպատակով: Մենք խստորեն հետևում ենք մեր Գաղտնիության քաղաքականությանը և չենք կիսում Ձեր տվյալները երրորդ կողմերի հետ՝ առանց ձեր թույլտվության կամ օրենքով նախատեսված այլ դեպքերի: